Эшләүче пенсионерларның пенсияләренә төзәтмәләр кертелде

(Тәтеш, 7 август, "Тәтеш таңнары").  “Эшләүче пенсионерларга эш бирүче тарафыннан 2018 елда түләнгән иминият взнослары суммасы хисабына 1 августтан ел саен үткәрелә торган иминият пенсиясе күләменә төзәтмәләр кертелде”, – дип хәбәр итә ­РПФның Тәтеш районы Идарәсе белгечләре.

РПФның ТР Тәтеш районы Идарәсе мәгълүматлары буенча, быел төзәтмәләр районыбызның 1412 пенсионерына кагылды. Төзәтмә нәтиҗәләре буенча арткан пенсиянең уртача күләме эшләүче пенсионерның пенсиясе иң күп арткан вакытта 154,72 сум тәшкил итә яки 3 балл булганда 261,72 сум.