Эшкә урнашу өчен юнәлешләр бирелде

(Тәтеш, 15 декабрь, “Тәтеш таңнары”). Традицион чараның максаты – шәһәрдә яшәү­че­­ләр­гә эшкә урнашырга, вакансияләр турындагы мәгълүматларны алу мөмкинлеген арттыруга, халыкны эш белән тәэмин итү хезмәтен халыкка якынайтырга, аларның сыйфатын яхшыртырга ярдәм итү. Мондый ярминкәдә теләге булган һәр кеше, мәшгульлек үзәгенә турыдан-туры мөрәҗәгать итмичә дә катнаша ала.

– Чарада 12 предприятие һәм оешманың кадрлар хезмәте эш­чән­нәре  катнашты, – дип хәбәр итте Тә­теш районының халыкны эш белән тәэмин итү үзәге начальнигы Сергей Цветков. – Эш бирүчеләр тарафыннан барлыгы 26 вакансия: төргәкләүчеләр, тракторчылар, шоферлар, сатучылар, икмәк пешерүчеләр, кондитерлар, электр монтерлары, ветеринария табиблары һәм фельдшерлар тәкъдим ителде.

Мәшгульлек үзәге хезмәт­кәрләре мәгълүматлары буенча, ярминкәдә 19 кеше булган, катнашкан пред­прия­тиеләрнең вакантлы урыннарына алга таба эшкә урнашу өчен 17 юнәлеш бирелгән.
Мәшгульлек хезмәте белгечләре килүчеләргә интернет-ресурслар аркылы, шул исәптән Бердәм цифр­лы платформаны кулланып, эш эзләү мөмкинлеге турындагы мәгълүматны бәян иттеләр. Эш эзләүчеләрнең һәркайсына әлеге порталдан файдалану буенча ­инс­трукция тапшырылды.