Гәҗит укучыбыз соравына РПФның Тәтеш районы белгечләре җавап бирә

 (Тәтеш, 23 июнь, “Тәтеш таңнары). Гәҗит укучыбыз соравына РПФның Тәтеш районы белгечләре җавап бирә.
– 2019 елның гыйнварыннан минем иминият пенсиясенә авыл хуҗалыгында 30 ел эшләгән өчен өстәмә билгеләнде. Әгәр мин эшкә урнашсам, әлеге өстәмә бетереләчәкме?

– Әйе, күрсәтелгән өстәмә бетереләчәк. Түләүле хезмәт булмау өстәмә акча алу шартларының берсе булып тора. Шундый хәлләр дә очрый, пенсионер эшкә урнаша һәм бу хакта яшәү буенча пенсия фондына вакытында хәбәр итми. Ул чакта артык түләнгән сумма барлыкка килә, аны пенсия фонды гражданинның пенсиясеннән тотып калырга мәҗбүр була. Мондый хәлләр килеп чыкмасын өчен, үзеңнең эшкә урнашуың турында вакытында хәбәр итү зарур.