Иң мөһиме – куркуга төшмәскә

(Тәтеш, 11 февраль, “Тәтеш таңнары”). Татарстан Республикасы буенча Россия гадәттән тыш хәлләр Баш идарәсе, әгәр сезнең градусник, яки башка терекөмеш­ле җайланма ватылган икән, түбәндәгеләрне ­һичшиксез үтәргә кирәк дип кисәтә:
• Бинага һава керсен һәм анда температура түбәнәйсен өчен тәрәзәне ачыгыз (фатирда җылырак булган саен, металлның парга әйләнүе шулкадәр тизрәк барлыкка килә).
• Җайланма ватылган бүлмәгә кешеләр һәм йорт хайваннары керүне чикләгез.
• Терекөмешне резин бияләйләр һәм йөзегезгә марлядан битлек киеп, суда җиңелчә чылатылган гәҗит белән җыегыз, иң кечкенә түгәрәкләрен лейкопластырь ярдәмендә җыеп алырга мөмкин.
• Җыеп алынган терекөмешне сулы савытка салыгыз һәм тыгызлап ябыгыз. Су терекөмеш парга әйләнмәсен өчен кирәк. Савытны чүплеккә, ­унитазга ташламагыз һәм урамга агызмагыз!
• Агызган урынны щетка, сиптергеч ярдәмендә концентратлы марганцовка эремәсе белән эшкәртегез. 
• Бер сәгатькә калдырыгыз, ә аннары сабынлы-содалы эремә белән юыгыз (40 грамм хуҗалык сабынын һәм 50 грамм чәй содасын бер литр суда эретергә).
• Бүлмәгә тәүлек дәвамында кермәскә тырышыгыз. Шуннан соң идәнне су белән юып алырга мөмкин.
• Терекөмешне җыеп алгачтын авызны марганцовка эремәсе белән чайкагыз, 2-3 төймә активлашкан күмер кулланыгыз – ул организмга ­токсиннар тәэсирен киметер.

Демеркуризация (терекөмеш белән пычрануны бетерү буенча чаралар) уздыру һәм терекөмеш булган калдыкларны утильләштерү сораулары буенча, бердәм кизү-диспетчер хезмәтенә мөрәҗәгать итәргә киңәш ителә. Тәтеш районы БКДХның телефон номеры: 8(84373) 2-50-01.