Яман гадәт – янгын чыгуга сәбәпче

(Тәтеш, 3 апрель, “Тәтеш таңнары”).

Урын-җирдә яки креслода тәмәке тартырга ярамый, аеруча да спиртлы эчемлекләр кулланган булсагыз, чөнки мондый хәлдә бик тиз йок­лап китәргә мөмкинсез. Хәтта сүндерелгән тәмә­келәрне дә кәгазь һәм башка янучан калдыклар яткан урналарга ташларга; көл савыты итеп кәгазь төргәкләр, шырпы яки тәмәке тартмалары кулланырга ярамый; гаражда тәмәке тарту тыела – якын куелган машина һәм җиңел кабынып китүчән сыеклыклар янгын китереп чыгарырга мөмкин; шырпы яки тәмәке төпчекләре кечкенә балаларның кулына эләкмәсен өчен күзәтеп торыгыз.  

– РФ законы буенча бас­кыч мәйданчыгында тәмә­ке тарту тыела, – дип кисәтә Россия ГТХМның ТР буенча Баш идарәсенең Кама Тамагы һәм Тәтеш муниципаль районнары буенча күзәтчелек эшчәнлеге һәм профилактик эшләр районара бүлегенең өлкән сорау алучысы Фәнис Камалетдинов. – Әгәр дә сез подъ­­ездда тәмәке тартасыз икән, тәмәкегезне һич кенә дә түбәндәге аралык­ларгы ташламагыз. Газета кәгазенең яки картонның пыскып януы, пластик турында әйтеп тә торасы юк, эвакуация юлын бүлү һәм гражданнарда курку хисе китереп чыгару ихтималы бар. Кече яшьтәге тәмәке тартучыларга аеруча да игътибар итегез. Балалар өлкәннәргә карап тәмәке тарталар, моның өчен яшерен урыннарны сайлыйлар. Алар өлкәннәр килеп чыккач, начар гамәлләрен күрсәтмәс өчен сүндерелмәгән тәмәкене ыргытып калдыралар, аннары янгын чыгуы да бар. 

Дәүләт янгын күзәт­че­леге хезмәткәрләре мөрәҗәгать итә:
– Әгәр дә сез янгын килеп чыккан очракның яки гадәттән тыш хәлнең катнашучысы яки шаһиты буласыз икән, 01 телефоны буенча бердәм дежур-диспетчер хезмәтенә шалтыратыгыз, кәрәзле телефоннан – 101, 112. Шалтыратулар тәүлек әйләнәсе һәм түләүсез кабул ителә. Сезнең иминлегегез үзегезнең кулда, үзе­гезне һәм якыннарыгызны ­саклагыз.