Ирина Николаева: 4 ноябрьдә Халыклар бердәмлеге көне

(Тәтеш, 4 ноябрь, “Тәтеш таңнары”).

Ирина Николаева, районның мордва милли-мәдәни үзәге җитәкчесе: 
– Район мәдәният йортындагы тату коллективта эшлим. Хезмәткәрләр арасында районыбызда яшәүче барлык милләт вәкилләре бар. Район мә­дәният йорты базасында татар, рус, чуаш, мор­два коллективлары эшли. Фестивальләр, бәйрәмнәр уздырып, без бер генә милләтне дә игътибардан читтә калдырмыйбыз. Район җитәкчелеге безнең теләсә нинди башлангычларны – татар, рус, мордва һәм чуаш бәйрәмнәре булсынмы, барысын да хуплый. Татарстанда 2021 ел туган телләр һәм халыклар бердәмлеге елы итеп игълан ителде – бу киләсе елга безнең эштә төп юнәлеш булачак та инде.