Казанда «Татар кызы-2026» республика конкурсының ярымфиналы узды

Казанда «Татар кызы-2026» республика конкурсының ярымфиналы узды. Финалга чыгу хокукы өчен Татарстанның алты зонасыннан 20 кыз үз сәләтен күрсәтте, аларның һәркайсы сайлап алу этапларында милли мәдәниятне тирән белүләрен исбатлаган иде инде.

Катнашучылар арасында Тәтеш районы Алабирде авылыннан Алия Галиева да бар.
Конкурс нәтиҗәләре буенча төп титул өчен бәйге дәвам итәчәк 12 финалчының исемнәре аталды. Ни аяныч, Алия Галиеваның киләсе бәйгедә катнашу өчен аз гына баллы җитмәде. Шуңа да карамастан, республика күләмендәге ярымфиналда катнашу - зур казаныш һәм бәяләп бетергесез тәҗрибә.

Зур Әтрәч авылы ФАПында фельдшер булып эшләүче Алия Галиева халык сәламәтлеге өчен зур җаваплылык тоя. Ул - авылның баш медицина белгече, ашыгыч хәлдә беренче булып ярдәмгә килүче, кешенең гомере еш кына аның белеменә һәм осталыгына бәйле.

фото: соцсети