Келәш волонтёрлары чәк-чәк пешергәннәр

Келәш волонтёрлары махсус хәрби операциядәге ир-егетләр өчен кабат татар халкының татлы сые – чәк-чәк пешергәннәр.

- Хатын-кызлар әзерләгәндә операциядә катнашучыларның исән-сау әйләнеп кайтуларын теләделәр. Әзер ризыклар контейнерларга салынды. Мәдрәсәдә белем алучылар өйләрендә токмач әзерлиләр. “Туган якларыннан килгән күчтәнәчләр егетләрнең күңелләрен җылытсын, тизрәк җиңү белән әйләнеп кайтсыннар”, - диләр уңган ханымнар.Эш беткәч Мөслим волонтеры Рузәл Минһаҗевның МХОдагы егетләргә багышланган шигырьләрен укыдылар, Гөлүсә Закированың бертуган энесе һәм башка МХО катнашучылар турындагы “Энекәш” китабы белән таныштылар, - дип яза Келәш авылы мәдәният хезмәткәрләре.

фотоны Гөлчәчәк Галимова тәкъдим итте