Халыкны икмәк белән туендыруына шат

(Тәтеш, 28 май, “Тәтеш таңнары”, Лиана Загитова, фото автора). Киртәледән Николай Ещиганов күршедәге Килдешнең “Авангард” хуҗалыгында өчен­че ел эшли, Элек Ундорадагы шифаханәдә хезмәт куйган, әмма пандемия аркасында учреждениене вакытлыча япкач, үзенең кече ватанына, үз җиренә якынайган дияргә була.

Николай Семенович шифа­ханәгә ка­дәр башка авыл хуҗа­лыгы пред­приятиесендә эшләгән, анда хезмәт ­хакын түләүдә яртышар ел тоткарлыклар булган, шуңа күрә эштән киткән. Хәзер вакытында түлиләр. Хәтта отпускага да, ял итәргә шифаханәгә дә даи­ми җибәрәләр, ләкин аның хезмәтен калдырып китәсе кил­ми. 
Бүгенге көндә Николай – гаиләдә бердәнбер механизатор, уллары аның сукмагыннан китәрләрме икәнлеген белми, шулай да алар династияне дәвам итәргә уйласалар, ир-ат шат булачак, чөнки бөтен илне сыйфатлы продукт белән тук­ландыру – бу игелекле эш.