Хезмәт кенәгәсенең кайсын сайларга?

(Тәтеш, 24  март, “Тәтеш таңнары”).

Электрон хезмәт кенәгәсенең өстенлеге нәрсәдә? – дип кызыксына шәһәрле Светлана И.

– Хезмәт кенәгәсе – ул хезмәт эшчәнлеген һәм кешенең ­стажын раслый торган төп доку­мент. Нинди хезмәт кенәгәсе  кирәклеген – кәгазь яки электрон төрдәгесеме, сайлау мөм­кинлеге бар. ­Шулай да, үзләштерә торган яңа тәҗрибә безне акрынлап ­экономияле һәм уңайлы төргә – ­дистанцион хезмәтләрдән файдалануга китерә. Шулай итеп, районыбыздагы 512 кеше электрон хезмәт кенәгәсенә күчүне сайлады, – дип сөйли РПФның ТР буенча Тәтеш районындагы клиентлар хезмәте бүлеге җитәкчесе Ирина Большакова. – Электрон кенәгәнең төп өстенлеге – ул документтан дистанцион рәвештә файдалану мөмкинлеге булу. Яңа эшкә урнашкач, электрон хезмәт кенәгәсеннән өземтәне күчереп алырга һәм эш бирүчегә җибәрергә була.  Тулырак мәгълүматны РПФ сайтының шәхси кабинетында белергә мөмкин.