Хокук бозу турында хәбәр итегез

(Тәтеш, 15 август, "Тәтеш таңнары", Николай Плотников).  “Мәгълүматны урнаштыру өчен дәүләт һәм муниципаль хезмәтләр порталының “Шәхси кабинеты”нда (uslugi.tatarstan.ru) теркәлергә һәм шуннан соң “Халык контроле” бүлекләренең берсенә мәҗбүри кушымта белән хокук бозуны раслау­чы фоторәсемнәр мәгълүматын куярга кирәк. Гадәттә сәүдә объектының әлеге фотосурәтендә, мөрәҗәгать  итүче фикеренчә, законны бозу бар, – дип аңлатма бирә ТР Дәүләт алкоголь инспекциясе эксперт-белгече Елена  Сазонова. – Сезнең хәбәр ТР Дәүләт алкоголь инспекция­сенә яки эчке эшләр министрлыгына планнан тыш һәм административ тикшерү яисә оператив эзләү чаралары уздыру өчен  җибәреләчәк. 

Материаллар белән эшләү нәтиҗәләре тиешле бүлектә ун көн дәвамында бастырылачак, әгәр мәгълүматны карау күбрәк вакыт таләп итсә, ул бер айга кадәр озайтылырга мөмкин. Әгәр барлык фактлар расланса, хокук бозучылар җавап­лылыкка тартылачак, тиешле структуралар гариза бирүче белән элемтәгә керәчәк һәм акча алу өчен аның яшәү урыны буенча якындагы территориаль дәүләт алкоголь инспекциясенә мөрәҗәгать итәргә тәкъдим ясая­чаклар. “Халык контроле”нә хат язу катгый яшерен булуны һәм мәгълүматны йөз процентта сак­лауны тормышка ашырачак.

Агымдагы елның ярты елы эчендә “Халык контроле” дәүләт мәгълүмати системасына тәтеш­леләрдән 10 хәбәр кергән, шуның өч хокук бозу очрагы расланды. Дәлилләнгән мөрәҗәгать өчен гариза бирүчеләргә акчалата бүләк түләнде. Әлеге материаллар буенча административ тикшерү алып барыла”.