Күкрәк тирәсе авыртканда нишләргә

(Тәтеш, 24 февраль, “Тәтеш таңнары”, Татьяна Кузнецова).

Тәтеш үзәк район хастаханә­сенең гомумтәҗрибә табибы ­Галина ­Горланова күкрәк тирәсе авыртканда кайчан белгечкә мөрәҗәгать итәргә кирәк­леге турында сөйләде. 

– Күкрәк турысының хәтта бераз гына авырта башлавы да йөрәк-кан тамырлары чире билгеләре булырга мөмкин. Иң дөрес гамәл – күкрәк тирәсендә сагайта торган теләсә нинди авыртулар сизелгәч үк ашыгыч рәвештә табибка мөрәҗәгать итү. 

Күкрәк тирәсе авыртканда, ­кайсы вакытта ашыгыч медицина ярдәме номерын җыярга кирәк:
Кеше 40 яшьтән өлкәнрәк һәм аның йөрәк авырулары куркы­нычының бер яки аннан да күбрәк билгеләре: гаиләдән килгән инфаркт һәм инсульт, тәмәке тарту, симерү, аз хәрәкәтләнүле яшәү рәвеше, холестерин арту, шикәр чире булса.
Кешегә йөрәк-кан тамырлары чире диагнозы инде куелган булса. 
Күкрәк тирәсендә көчле итеп кысып алу, сулыш алырга комачаулаучы яки бик көчле авыртулар булса.   
Авырту булганда күңел болгану, хәл­сезлек, сулыш кысу, тирләү, ага­рыну, баш әйләнү, аңны югалту күзәтелсә.
Күкрәк тирәсендәге авырту җил­кәгә, кулга һәм казналыкка таралса. 
Гәүдәнең әлеге өлешендә кайчан да булса элегрәк була торган авырту тойгылары чамадан тыш көчлерәк булса. 
Авырту шомлану, курку, начар хисләр тудырса.   
Авырту 15-20 минуттан басылмаса. 
Авырту һаман саен көчәя барса. 

Ашыгыч медицина ярдәменең телефон номеры – 03, 103.

Райондагы медицина учреждениеләренең телефоннары:
регистратура – 2-54-77,
балалар консультациясе – 2-57-96,
бала тудыру бүлеге – 2-54-85,
Олы Тархан участок хастаханәсе – 2-50-02,
Олы Шәмәк табиб ­амбулато­риясе – 5-66-04.

Тәтеш үзәк район хастаханәсе бүлекләре:
терапевт бүлеге – 2-54-79,
хирургия бүлеге – 2-54-78,
инфекция бүлеге – 2-54-76.
Кәрәзле телефоннан шалтыратканда телефон номерын җыйганчы башта –  884373не өстәргә кирәк. 

фото: архив/Авангард