Максат – акчаны экономияләү

(Тәтеш, 26 ноябрь, “Тәтеш таңнары”, Юлия Калинина). Район башкарма комитетының социаль-икътисади һәм территориаль үсеш бүлеге начальнигы Юлия Гасимова Тәтеш районында дәүләтнең ­сатып алу системасы ­ничек гамәлгә ашуы турында сөйләде. 

– Юлия Геннадьевна, дәүләт сатып алуының барышы ничек гамәлгә ашырыла?
– Иң элек шунысын әйтәм, аларның мак­саты – заказчы­ларның акча­сын экономияләү. Электрон сәүдә мәй­данчык­ларында эшләрнең яки ки­рәкле продукциянең төгәл тасвирламасы булган заказларны урнаштыру безнең беренче адым булып тора, анда һәрбер эшкуар, торгларда катнашырга теләүчеләр, үзенең гаризасын калдыра ала. 

“Дәүләт һәм муниципаль ихтыяҗларны тәэмин итү өчен сатып алулар өлкәсендә контракт системасы турында”гы Федераль закон нигезендә, бюджет һәм бюджеттан тыш акчалардан нәтиҗәле файдалану, намуслы көндәшлекне үстерү, ачыклыкны һәм кү­ренеп торучанлыкны тәэ­мин итү, заказлар урнаштырганда ришвәтчелекне һәм башка ­хокук бозуларны булдырмау өчен район башкарма комитетында муниципаль заказчылар ихтыяҗлары өчен товарлар сатып алуны, эшләр, хезмәтләр күрсәтүне гамәлгә ашыру буенча бердәм ко­миссия төзелде.

– Комиссиянең бурычлары нинди?
– Бердәм комиссия тәэминат­чыларны, подрядчыларны һәм башкаручыларны, ачык һәм үтә күренмәлелек принципларын, сатып алу көндәшлеген, бюджет акчаларының нәтиҗә­лелеген һәм экономиялелеген билгеләгән вакытта закон таләпләрен үтәүне тәэмин итә, сатып алулар өлкәсендә ришвәтчелек һәм хокук бозу мөмкинлекләрен юкка чыгара.

Заказ урнаштыру нәтиҗә­ләре белән шәхси кызыксынган физик затлар комиссия әгъзалары була алмыйлар. Федераль закон таләпләр исемлеген төгәлләштерә, андый затларны комиссия составыннан чыгару тәртибен яза.

– Дәүләт һәм муниципаль сатып алу сис­темасы ничек гамәлгә ашырыла?
– Башкарма комитет муниципаль их­тыяҗлар өчен заказлар урнаштыру эшләрен га­мәлгә ашыруда вәкаләтле орган булып тора. Муниципаль заказчыларның һәм заказларны урнаштыру эшләрен башкаруга вәкаләтле органның үзара хезмәттәшлек Тәртибе ­расланылган.
Муниципаль заказ белән идарә итү барышын оптималь­ләштерү һәм муниципаль ихтыяҗлар өчен сатып алу­ларның нәтиҗәлелеген арттыру максатларында заказ урнаштыру РФ рәсми сайтында урнаштырыла торган план – тәртип нигезендә гамәлгә ашырыла. Торглар һәм бәяләүгә зап­рослар уздыру турындагы белдерүләр казначылык һәм финанс органнары белән Электрон кибетләрдә килешенү үтә, аннары zakupki.gov.ru рәсми сайтында ­урнаштырыла.  

Сатып алулар буенча Татар­станның дәү­ләт комитеты, “ГлавТатДорТранс” дәүләт казна учреждениесе муниципаль заказчылар ихтыяҗлары өчен аерым төрдәге (исемлек буенча: җиһаз, техника, сөт продукциясе, оргтехника) сатып алулар нигезендә бердәм (үзәкләштерелгән) торглар үткәрә. 

“Сатып алулар өлкәсендә контракт сис­темасы турын­да”гы Федераль закон ни­гезендә, сатып алуны гамәлгә ашыру өчен җаваплы вазифаи зат билгеләнә.

– Товар һәм хезмәт күрсәтү белән тәэмин итүчеләр ничек билгеләнә?
– Ачык конкурс, ачык аукцион һәм котировкаларга электрон төрдә запрос ясау бүгенгесе көндә тәэминатчыны (башкаручыны, подрядчыны) билгеләүнең төп ысулы булып тора. Җиңүчене билгеләгән вакытта потенциаль подрядчылардан (тәэминатчылар, башкаручылар) заказчыларны читләштерү әлеге ысулның төп өстенлекләренең берсе  булып тора, бу ришвәтчелек күре­неш­ләренә чик куя.
Заказ урнаштыруда катнашучыларга сатып алу өлкәсендә явыз ниятләр булма­сын өчен закон тарафыннан таләпләр исемлеге, шулай ук кайбер мәҗбүри һәм өстәмә таләпләр билгеләнгән. Заказчы кече эш­мәкәрлек субъектлары һәм социаль юнәлештәге коммерцияле булмаган оешмалар арасында сатып алу күләменең кимендә 25 процентын билгеләргә тиеш. Барлык сатып алулар да план – графиклар булдыру юлы белән, аларның максатларыннан чыгып, алдан планлаштырыла. 

Конкурс барышының законлылыгы ТР Хисап палатасы, монополиягә каршы Федераль хезмәт, ТР Прокуратурасы тарафыннан күзәтеп барыла. Ачык­ланган барлык хокук бозулар үз вакытында тулысынча тәртипкә китерелә.

– Заказчының квалификациясен арттыралармы соң?
– Әйе, Тәтеш районының 101 муниципаль заказчысы  агымдагы елның октябрендә – ноябрендә квалификацияне арттыруның “Дәүләт һәм муниципаль сатып алулар белән тәэмин итү” өстәмә һөнәри программасы буенча укулар узды. Барысына да квалификацияне арттыру буенча таныклыклар тапшырылды.  

– Әңгәмәгез өчен рәхмәт.

фото: архив/Авангард