Маннур Бәдгыев: “Мондый ярдәм бик кирәк...”

Маннур Бәдгыев, Олы Тархан авылы:
–     Мин озак еллар Олы Тархан авылы мәчетендә имам булып тордым. Зиратны, мәчетне төзекләндерү буенча барлык эшләрне тәмамлагач, халыктан бирелгән сәдака акчасы калды. Шуңа да калган акчаны игелекле эшкә кертергә дип карар иттек. Авыл халкы белән киңәшеп, гыйнвар аенда шуның 200 мең сумын махсус хәрби операциядә катнашучыларга ярдәм буларак тиешле урынга тапшырдык. Мондый ярдәм бик кирәк, кирәк, кирәк... Сугыш елларында да бит бабайлар, әтиләр безне яклаган, саклаган чакта, кешеләр булдыра алганча аларга ярдәм иткән.