Михаил Мечтанин: “Армиядәге вакытлар беркайчан онытылмый”

(Тәтеш, 21 февраль, «Тәтеш таңнары»). 
 “Кыю, данлыклы диңгезчеләр 23 февральдә Ватанны саклаучылар көнен билгеләп үтәчәк. Бу бик матур бәйрәм. Россия хәрби-диңгез флотында районыбыздан  200дән күбрәк кеше хезмәт иткән, – дип редакциягә шалтыратып хәбәр итте районның ХДФ ветераннары советы рәисе Михаил Мечтанин. – ­Россия флотына 2021 елда 325 ел тула. Бу ел Тәтеш диңгезчеләренең күпчелеге өчен шәхси яктан да юбилей елы булачак: мин 50 ел элек Кара диңгездә хезмәт итеп кайттым, Николай Солодовниковның, Исхак Садыйковның – 65 ел узды, Николай Глазковның, Шәүкәт Хөсәеновның – 30. Армиядә үткән һәр көн һәрбер ир-егет өчен беркайчан да онытылмый: холык чыныга, бер-береңә ярдәм итү, үзара аңлашу, командада эшли белү, дуслашу кебек сыйфатлар барлыкка килә”.