Мобилизацияләнгән гражданнарның балаларына түләү каралган

(Тәтеш, 21 октябрь, “Тәтеш таңнары”).

– Әлеге түләү хокукына ия булган Тәтеш рай­онының барлык гражданнарына хәбәрләр җи­бәрелде. Баланың әтисен мобилизация буенча хәрби хезмәткә чакыру турындагы мәгълүматлар ТР хәрби комиссариатыннан ведомствоара хез­мәттәшлек тәртибендә алыначак, хәрби комиссариаттан белешмә тапшырырга кирәкми, – дип хәбәр итә Тәтеш муниципаль районында республиканың 39нчы санлы матди ярдәм үзәге бүлеге мөдире Елена Кутяшова – Мөрәҗәгать иткәндә үзең белән мөрәҗәгать итүченең шәхесен танык­лаучы документ, бер тапкыр түләү билгеләнгән баланың (балаларның) туу турындагы таныклыгы, банк счеты реквизитлары булырга тиеш. Игътибар итегез, балаларның туу турындагы таныклыкларында “әтисе”  графасында мобилизацияләнгән гражданин күрсәтелгән булырга тиеш. Барлык кызыксындырган сорауларны 8(84373)2-62-33 телефоны буенча бирергә мөмкин.