Олы Тормы мәдәният йортында Өлкәннәр көнен зурлап билгеләп үттеләр
Анда районның Ак калфак вәкилләре дә катнашты.
(Тәтеш, 7 октябрь, "Тәтеш таңнары", Сания Сәмигуллина ( автор фотолары)). Җыелучыларны җирлек башлыгы Нияз Салихов, җирлекнең Новая заря авыл хуҗалыгы предприятиесе җитәкчесе Илһам Хисамов бәйрәм белән котлап, аларга фидакарь хезмәтләре өчен ихтирам сүзләрен белдерделәр. Чарада Россиянең атказанган артисты, ТРның халык артисты Наилә Фәтехованың һәм аның иҗат төркеме башкаруында матур җырлар яңгырады. Ахырдан районның татар милли- мәдәни үзәге җитәкчесе Асия Ибраһимова изге теләкләрен ирештереп, артистларга районның Ак калфак оешмасы җитәкчесе Рима Гомәр кызы Сафиуллова исеменнән чәчәк гөлләмәләре белән истәлекле бүләкләр тапшырды, өлкәннәрне бәйрәм белән тәбрикләп, сәламәтлек, җитеш тормышта яшәүләрен теләде.
Следите за самым важным и интересным в Telegram-каналеТатмедиа
Нет комментариев