Паркта видеокамералар эшли

(Тәтеш, 19 август, “Тәтеш таңнары”).Районыбызда яшәүчеләр шәһәрнең үзәк паркында урнаштырылган видеокамералар эшлиме икәнлеге белән социаль челтәрләрдә берничә тапкыр кызыксыну белдергән иде.

Без моңа аңлатмалар алу ниятеннән Тәтеш районы эчке эшләр бүлегенә мөрәҗәгать иттек. 
“Видеокүзәтү җайлан­ма­лары эшли, алар ярдә­мен­дә урлашуны, ­агымдагы елда – дүрт вак угрылыкны, үзизоляцияләү тәртибен бозуның 8 очрагын ачык­ларга насыйп булды”, – дип җавап бирделәр безгә ведомство вәкилләре. 

Шулай ук алар хәбәр иткәнчә, 2021 елда һәм ки­ләсе елларда Тәтештә “Имин шәһәр” аппарат-программа комплек­сы: кеше­ләрне һәм транспор­тның дәүләт теркәве номерларын танып-белү мөмкинлеге белән шәһәр урамнарына һәм җәмәгать урыннарына 22 видеокамера урнаштырылачак.

Тәтеш РЭУЧ белгечләре мәгълүматлары буенча, шәһәрнең үзәк паркында бүгенгесе көндә 16 видеокамера тәртипне күзәтә.

фото: архив/Авангард