Поликлиника ничек эшли

(Тәтеш, 31 декабрь, “Тәтеш таңнары”).Тәтеш үзәк район поликлиника­сы яңа ел бәйрәмнә­ре вакытында, 2022 елның 31 декабреннән 2023 елның 8 гыйн­варына кадәр, эш­ләү тәртибен үзгәртә.

Эш көннәре – 2, 4, 6 гыйнвар. Гомумтәҗрибә табибы, хирург, педиатр, стоматолог пациентларны иртәнге сәгать 8дән 13 сәгатькә кадәр кабул итәчәк. 
Ашыгыч ярдәм бүлеге тәүлек әйләнәсе һәм ялларсыз эшли (телефоны – 103, шалтырату барлык элемтә операторлары буенча бушлай). Кабул итү бүлеге һәм стационар да тәүлек әйләнәсе эшләячәк.

– Бәйрәм көннәре белән бәйле төрле чирләр кузгалу, имгәнүләр, ризык белән агулану, салкын тидерү, ОРВИ һәм грипп булу куркынычы арта. Хроник авырулар: йөрәк-кан тамырлары, ашказаны-эчәк тракты һәм башка шундыйлар еш кына көчәеп китәргә мөмкин, – дип кисәтә медицина хезмәткәрләре.

Сәламәт булыгыз! Үзегезне саклагыз! 

фото: архив/Авангард