Пөхтәлек булдырып торалар
Алабирде авылының мәдәният йорты территориясен җыештыру буенча өмә үткәрелгән.
Авыл кешеләре әйтүенчә, мәдәният йорты директоры Алсу Шаһиәхмәтова, китапханәче Чулпан Нигъмәтуллина, клубның чисталыгын булдыручы Халидә Галиәкбәрова бик тырышып эшләгәннәр. Алар яздан утыртылган һәм хәзерге вакытта салкыннардан каралып киткән чәчәкләрне җыеп алганнар. Тирә-якның чисталыгын булдырып, анда тәртип урнаштырганнар.
– Мәдәният учагының тирә-юне җәе буе чәчәкләргә күмелеп утырды. Андагы төрле бизәлештәге күренешләргә сокланып йөрдек. Мәдәният тармагында эшләүчеләр биредә һәрчак пөхтәлек булдырып торалар. Үз эшләрен җиренә җиткереп башкаралар, – дип билгеләп үттеләр алабирделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев