Район хастаханәсенә талпан кадалу сәбәпле мөрәҗәгать итүчеләр ешайган

(Тәтеш, 26 август, "Тәтеш таңнары"). Соңгы көннәрдә район хастаханәсенә талпан кадалу сәбәпле мөрәҗәгать итүчеләр ешайган.

Хөрмәтле райондашлар, табигатькә барганда уяу булыгыз, профилактика кагыйдәләрен үтәгез һәм өс-аяк киемнәрен саклану таләпләренә җавап бирерлек итеп киегез.

Өегезгә кайткач, өсләрегезне, тәнегезне, киемнәрегезне талпан булмауга инаныр өчен, яхшылап тикшереп чыгыгыз.

Әгәр талпан барлыгын ачыкласагыз, үзәк район хастаханәсенә мөрәҗәгать итегез.

фото: Руслан Сафаров