Рәмис Сафиуллов: Һөнәри бәйрәмегез көнендә сезгә хезмәтегез, тәтешлеләрне һәм шәһәр кунакларын гаҗәеп сәяхәт дөньясына җәлеп иткәнегез өчен рәхмәт белдерәм

(Тәтеш, 27 сентябрь, "Тәтеш таңнары"). “Әлеге бәйрәм тармак профессионалларын һәм сәяхәт яратучыларны берләштерә. Безнең якның археология, архитектура, тарихи һәйкәлләре илнең барлык төбәкләреннән килгән кунакларда тирән кызыксыну уята. Тәтеш ягы тарихы музее хезмәткәрләре шәһәребезнең туристлык потенциалын үстерү өчен күп көч куя. Балаларга өстәмә белем бирү үзәге коллективы туган якны өйрәнү походлары һәм туган як буйлап экспедицияләр оештыра. Хөрмәтле дуслар! Һөнәри бәйрәмегез көнендә сезгә хезмәтегез, тәтешлеләрне һәм шәһәр кунакларын гаҗәеп сәяхәт дөньясына җәлеп иткәнегез өчен рәхмәт белдерәм. Нык сәламәтлек, барлык билгеләнгән планнарыгызны уңышлы тормышка ашыруыгызны телим”, – диде Тәтеш районы башлыгы Рәмис Сафиуллов.