Сакланыгыз: грипп!

(Тәтеш, 15 декабрь, “Тәтеш таңнары”). 

– Сезне түбәндәге билге­ләр сагайтырга тиеш: авыр сулау яки һава җитмәү, күкрәк авырту яки күкрәктә яисә корсак куышлыгын­да авырту тою, гәүдә сызлау, кинәт кенә баш әй­ләнү, зиһен чуа­лу, көчле яки өзлексез косу, – дип билгеләп үтә Тәтеш үзәк район хастаханәсенең го­мумтәҗрибә та­бибы ­Гали­на ГОРЛАНОВА. – Әлеге бил­ге­ләр хәлсез­ләндерергә, ләкин аннары югары температура һәм көчле ютәл белән бергә яңадан кабатланырга мөмкин. 
Моңа охшаш билге­ләр башка ОРВИ вакытла­рын­да да күзәтелә, шул исәптән Ковид-19 булганда да, шуңа күрә белгеч, сагайтырлык билгеләр барлыкка килгәндә, кичекмәстән табибка мөрәҗәгать итәргә киңәш итә.

Авырган кешеләр җиде көн дәвамында инфекция йөртүчеләр булып торырга мөмкиннәр. Балаларның, бигрәк тә кече яшьтәге сабыйларның, озак вакытларга кадәр чир йоктыручы булып калу ихтималы бар. 

– Грипп йоктыруны булдырмас өчен, кулларыгыз белән күзегезгә, борынга һәм авызыгызга кагылмас­ка тырышыгыз: микроблар нәкъ тә шушы юл белән тарала. Авырган кешеләр белән тыгыз элемтәдә булудан сак­ланыгыз. Көнкүрештәге дезинфекцияләүче әйбер­ләр ярдәмендә ишек тоткаларын, каты өслекләрне чис­тартып алыгыз, – дип киңәш итә Галина Николаевна. – Әгәр авырып кит­сәгез, өйдә генә торыгыз һәм чир йоктырмас өчен башка кешеләр белән элемтәне булдырмас­ка тырышыгыз, хәлне катлауландырмас өчен ашыгыч рәвештә медицина ярдәме сорап мөрәҗәгать итәргә кирәк. Гриппка һәм дәвалау алымына кирәкле тикшеренүләрнең күләмен, шул исәптән вируска каршы нинди дарулар алу ки­рәклеген табиб билгели.