Салымнарны вакытында түләгез

(Тәтеш, 18 ноябрь, “Тәтеш таңнары”). 

– Салым түләү турындагы хәбәрне ни рәвешле алырга була?

– Бүгенге көндә Россия Федераль салым хезмәте сайтында салым түләүченең шәхси кабинетында теркәлүчеләрнең барысы да милек салымнарын түләү турында белдерү кәгазе алды, калган салым түләүчеләргә әлеге хәбәрнамәләр почта аша җибәрелде.

– Квитанция алынмаган очракта нишләргә?

– Бу очракта тә­теш­леләр КФҮгә мөрә­җәгать итә алалар. Кайвакыт гражданинның кайчан да булса шәхси кабинетын ачып, аны онытуы да бар, тик алар электрон базада теркәлгән. Әгәр гражданин узган ел артык түләсә, ул агымдагы елның исәп-хисап счетларына күчерелә, әгәр салымның гомуми суммасы йөз сумнан ким булса, шулай ук квитанция килмәячәк.

– Түләүне ни рәвешле башкарырга була?

– Салым түләүченең шәхси кабинеты яки федераль салым хезмәте сайтында “РФ Дәүләт хез­мәтләре” аша, шулай ук “ФЛ салымнары” мобиль кушымтасы, КФҮ, банклар, банкоматлар, почта, түләү терминаллары аша.

– Безнең район халкыннан күпме салым җыю планлаштырыла?

– Тәтешлеләр 32 964,7 мең сум милек салымын түләргә тиеш. Шул исәптән транспорт салымы буенча – 17 824,4 мең сум, физик затлар милкенә салым буенча – 4 778,5 мең сум, физик затларның җир салымы буенча – 10 361,7 мең сум.

– Җыелган салым акчалары кая килә?

– Безнең район­ның консолидацияләнгән бюд­жетында физик зат­ларның милек салымнары өлеше 7,1 процент тәшкил итә. Физик затларның милкенә салым һәм җир салымы – район җирлекләре бюджетларына, ә транспорт салымы – Татарстан Рес­публикасы бюджетына. Шулай итеп, салымнар рес­публика һәм җирле бюджетларны формалаштыралар һәм гамәлгә ашырыла торган социаль программалар нигезе булып ­торалар.