Штаттан тыш ярдәмчеләр бүләкләнде

(Тәтеш, 11 гыйнвар, “Тәтеш таңнары”). Васыйл Вазыйх улы Кыш бабай булып киенеп, барыбызга да көн буена җитәрлек шат­лык-сөенеч өстәде. Редакция хезмәткәрләре кунак буларак килгән суык бабайга яңа ел шигырьләре сөйләделәр, ә ул, үз чиратында, аларга күчтәнәчләр өләште һәм кулына гармунын алды да “Туган тел”, “Очрашу” җырларын башкарып, йөрәкләрне җилкендерде. Юнысовларга һәм Тимаринага актив мәгълүмати хезмәттәшлек күрсәткәннәре өчен рәхмәт йөзеннән бүләкләр тапшырылды, ә иң мөһиме – күңелле итеп аралаштык һәм бер-беребезгә күтәренке, иҗади рух бүләк иттек.

– Редакциягә чакыру безнең өчен күңелле хә­бәр булды. Без редакция хезмәткәрләре белән яңа ел мохитендә кунакчыл очрашуга ихластан шатбыз, – дип уртаклаштылар ­Юнысовлар.  
– Яраткан газетабыз­дан котлаулар һәм бү­ләк алу бик күңелле бул­­ды!
Безнең гаилә ­“Аван­­гард”ны бик яратып укый. Кор­респондентлар бе­лән хезмәттәшлек итү һәр­вакытта рәхәт. Район газетасы редакциясенең барлык коллективына иҗади уңышлар, абунәчеләр һәм рәхмәтле укучылар телим, – дип үз фикерен җиткерде Юлия Тимарина.