Штрафларны вакытында түләгез
Районның дәүләт автоинспекциясе хезмәткәрләре ел башыннан 16 тәтешлене исерек килеш рульгә утырган өчен тоткарлаган.
(Тәтеш, 12 март, “Тәтеш таңнары"). Ике шофер үз гомеренә һәм тирә-юньдәге кешеләргә куркыныч тудырып, транспорт йөртү хокукыннан мәхрүм ителгән булса да, машина руле артына утырган.
Агымдагы елның ике ае эчендә шулай ук 20.25 маддә, 1нче өлеш буенча 30 беркетмә тутырылган, шуның 5се – штрафларын вакытында түләмәгән бер шоферга карата. Штраф РФ Административ хокук бозулар кодексы нигезендә карар законлы көченә кергән көннән алтмыш көннән дә соңга калмыйча түләнергә тиеш, дип искә төшерә ЮХИДИ хезмәткәрләре.
Аны билгеләнгән вакытка түләмәү, түләнмәгән штрафны ике тапкырга арттырып салуга, әмма иң киме бер мең сум, яки 15 тәүлеккә кадәр административ кулга алуга, яисә 50 сәгатькә кадәр мәҗбүри эшкә җәлеп итә.
Следите за самым важным и интересным в Telegram-каналеТатмедиа
Нет комментариев