Сигезенче бүләк сюрприз булды

(Тәтеш, 20 октябрь, “Тәтеш таңнары”, Дина Мансурова). Үсентеләргә ия булу мөм­кинлеге район газетасына язылган һәркемдә бар иде, моның өчен 14 октябрь­гә кадәр редакция­гә газетага язылу турында квитанция күчермәсен алып килергә яки электрон поч­тага, Ватсапка аның фотосын төшереп җибәрергә кирәк иде. Билгеләнгән көнне, 18 октябрьдә, без­нең “Авангард Тәтеш #үзе­безнекеләрнеташла­мыйбыз”  төркемендә туры эфир­да җиңүчеләрнең исем­нәре аталды.

Тамашачылар күз алдында призлар уйнатырга төрле җимеш агачлары һәм декоратив үсентеләр үстерергә яратучы Никита Железнов һәм шәһәр кешесе Роза Чахирева булышты.

Газетаның баш мөхәр­рире Елена Калашникова абунәчеләргә актив булганнары өчен рәхмәт белдерде һәм 240 кеше уңышны сынап карарга теләк белдерүен игълан итте.

Беренче булып слива-алыча гибриды уйнатылды. Роза Рәхим кызы, барабанны әйләндереп, аннан абунәченең фамилиясе язылган шарны тартып чыгарды һәм: “Георгий Ганюхин”, – дип укыды. Алмагач үсентесен Олы Тормыдан Флера Әхмәтова отты. Груша Фәридә Фәр­хетдиновага эләкте. Тамарикс декоратив куагы Валентина Кормакованы чәчәк атуы белән сөендерәчәк. Надия Ваһапова кара карлыган куагы алды, спирея  яз көне Богдашкино авылыннан Нина Потапованың, афлатуния Светлана Тимрюкованың бакчасында чәчәк атачак.

Никита Железнов көтел­мәгән һәм күңелле сюрприз ясады: өстәмә рәвештә спирея үсентесе алып килгән иде. Сигезенче призны да уйнаттык. Бу гадәти булмаган, чыдам матур куак Надежда Жировага насыйп ­итте.

Чәршәмбе көнне үсен­теләрне тапшыру булды. Тәҗрибәле бакчачы Никита Железнов аларны бәхе­тле хуҗаларга ничек утыртырга һәм тәрбияләргә ки­рәклеген аңлатып бирде.

– Безнең бакча зур, 10 сутый. Анда күп нәрсә үсә, ләкин груша юк иде. Аның турында мин күп­тән хыялланган идем, – дип уртаклашты Фәридә Фәрхетдинова. – Таныш булмаган номердан кесә телефонына шалтыраткач, билгесез номерларны алмасам да, нигәдер җавап бирергә булдым. Миңа шунда ук редакциядән шалтыратулары һәм приз отуым турында әйттеләр. Миңа бәхет елмайды, мин бик шатмын.

– Күптән түгел генә оныгым белән сездә экскурсиядә булган идек, оттырышка квитанция дә калдырдык. Һәм миңа Мәскәүдән безнең фотоны “Авангард” төркемендә күрүләре турында хәбәр иттеләр, – диде Светлана Тимрюкова. – Мин аны нинди фотосурәт икән дип карарга булдым, шунда приз­лар уйнатылган видеоны күрдем һәм үземнең фамилиямне ишеттем. Оныгым минем тылсымчым, ул миңа уңыш китерә!

Кадерле абунәчеләр, әгәр дә сез бу уенда җиңмәгән булсагыз, борчылмагыз, сезнең декабрьдә узачак башка оттырышта призларда алу мөмкинлегегез бар.

Тиздән без киләсе акцияне игълан итәрбез. Уңыш сезгә һичшиксез елмаячак!
Реклама АО Татмедиа

16+