Солдатлар туган якка кайта

Келәш авылында яшәү­че Гөлчәчәк һәм Фә­рит Галимов­ларның улы Сәй­дәш армия хезмәтеннән кайткан. Ватан алдындагы хәрби бурычын үтәгән егетне дуслары, туганнары каршы алганнар. 
–     Авылга солдат кайту, аның әти-әнисенә генә түгел, бөтен авыл халкына бик зур шатлык булды. Без барыбыз да моңа чиксез сөендек. Аның киләчәге якты булсын, – дип уртаклаштылар келәшләр. 

Олы Тархан авылы егете Алмаз Дульдиевны туган ягында сөенеп көтеп алганнар.
–     Әле кайчан гына озаткан кебек идек, бер ел вакыт сизелми дә үтеп китте. Хәер, безнең өчен шулай булса да, егетнең әти-әнисе, туганнары, дуслары аның кайтуын, күрешү минутларын зарыгып көткәндер. Ал­мазның әти-әнисе Ирек белән Айсылуның шундый зур шатлыкларын уртаклашабыз. Улларын армиядән каршы алу һәрбер якын кешеләре өчен үзенә бер төрле горурлык та әле, – дип хәбәр иттеләр Олы Тархан авылы кешеләре.