Үстерү өчен грантлар

 (Тәтеш, 16 июль, "Тәтеш таңнары"). ТР Авыл хуҗалыгы һәм азык-төлек министрлыгы “2017 – 2020 елларда Татарстан Республикасында авыл хуҗалыгының кулланучылар  кооперациясен үстерү” программасы буенча бәйге игълан итә.

Авыл хуҗалыгы кулланучылар кооперативларының матди-техник базасын үстерүгә грантлар бирү бәйгесенә сайлап алуның 2нче этабы башланды. 

Гаризалар һәм документлар кабул итү 2019 елның 10 июленнән 8 августына кадәр ТР Авыл хуҗалыгы һәм азык-төлек министрлыгы белгечләре тарафыннан кабул ителә, адресы: Татарстан Республикасы, Казан, Федосеев урамы, 36нчы йорт, 3нче кат, 309нчы бүлмә. Кабул итү эш көннәрендә 8дән 17 сәгатькә кадәр, дип хәбәр итә ми­нистрлыкның матбугат хезмәте.

Грант бирү тәртибе һәм документларның төре турындагы мәгъ­лүмат министрлыкның рәсми сайтында “Авыл хуҗалыгы кулланучылар кооперативларының матди-техника базасын үстерү” кушымтасында урнаштырылган.