Татарстан трассасында ике «Жигули» бәрелешкән - ике шофер да хастаханәдә

(Казан, 2 август, «Татар-информ»). Татарстанның Азнакай районындагы трассада ике «Жигули» бәрелешкән, ике шоферны да хастаханәгә алып киткәннәр. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.

«Кичә 6.45 сәгатьтә Әлмәт – Азнакай трассасының 40нчы километрында 7нче модельле «Жигули» автомобилен йөртүче 30 яшьлек ир-ат, башлангыч мәгълүматларга караганда, тиешле дистанция сакламаган һәм 7нче модельле «Жигули» автомобиле белән бәрелешкән», - дип искәрттеләр ведомствоның матбугат хезмәтендә.

https://tatar-inform.tatar/news/2019/08/02/190857/