Татарстанда көчле җил көтелә

(Казан, 29 сентябрь, «Татар-информ»).  30 сентябрьдә, Татарстанда салкын һава торышы булачак. Көньяк-көнбатыштан искән җилнең тизлеге секундына 15 – 18 метрга кадәр җитәчак. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Күпчелек районнарда төнлә урыны белән, ә көндез һәм кич яңгыр яварга мөмкин. Төнлә температура -2...+3 градус, көнбатыш районнарда 6 градуска кадәр җылы булачак. Көндез температура +8..+13 градуска кадәр күтәреләчәк.

Октябрь башында Татарстанда 19 градуска кадәр җылытачак.

https://tatar-inform.tatar/news/2019/09/29/194465/