Татарстанда Ураза һәм Корбан бәйрәмнәре даталары расланды

Татарстан Республикасы Рәисе Рөстәм Миңнеханов Төп Ислам бәйрәмнәре — Ураза һәм Корбан бәйрәмнәрен уздыруның төгәл даталарын рәсми рәвештә раслады. Тиешле указга төбәк җитәкчесе кул куйды.

Татарстан Хөкүмәтенең рәсми сайтында бастырылган документ нигезендә,» ай календаре нигезләмәләрен һәм барлыкка килгән традицияләрне исәпкә алып", Ураза бәйрәме 20 мартта башлана. Ә Корбан бәйрәмен мөселманнар 27 майда билгеләп үтәчәк.

Ике бәйрәм датасы да эш көннәренә туры килә, әмма җирле кануннар нигезендә алар ял көннәре дип игълан ителгән.

Даталар алдан Татарстан Республикасы мөселманнары Диния нәзарәте тарафыннан билгеләнгән иде. Исегезгә төшерәбез, изге Рамазан ае 19 февральдә башлана һәм Ураза бәйрәме башланганчы дәвам итәчәк.

фото: Татар-информ