Татарстаннан яшь оста Бөтенроссия конкурсында милли традицияләрен тәкъдим итте

2026 елның 5 - 7 мартында Мәскәүдә «Яшьләр һәм балалар» илкүләм проекты кысаларында «Традицияләр көче» I Бөтенроссия конкурсының көндезге этабы узды.

Катнашучылар арасында Тәтеш татар урта мәктәбенең 11нче сыйныф укучысы Алисә Шакирова да бар . Алисә  читтән торып үткәрелгән конкурсның финалисты буларак икенче этапка үтте - ул үзенең конкурс эшен уңышлы тәкъдим итте (җитәкчесе Лилия Шакирова).

 Алисәнең 2026 елның 7 мартында узган " ЛАДЬЯ. Язгы Фантазия-2026» халык сәнәгате һөнәрчелеге күргәзмә-ярминкәсендә чыгыш ясавы конкурста катнашуга матур өстәмә булды. Яшь оста татар милли бизәкләре рәвешендәге кулдан эшләнгән брошкалар коллекциясен тәкъдим итте.

фото: Тәтеш муниципаль районы (ТМР Советы).