Тәтеш районда республика буенча уртача дәрәҗәдән түбәнрәк

Ел башында Татарстанда эшсезлекнең рекордлы дәрәҗәдә түбән булуы билгеләп үтелә – 0,2 процент. Кайбер районнарда исә – Кайбыч, Тәтеш, Лаеш, Яшел Үзән, Алексеевск һәм Лениногорск – әлеге күрсәткеч республика буенча уртача дәрәҗәдән түбәнрәк. Бу хакта «Татар-информ» агентлыгына ТР Хезмәт, халыкны эш белән тәэмин итү һәм социаль яклау министрлыгының матбугат хезмәтендә хәбәр иттеләр.

«Яңа Чишмә (0,43 процент), Түбән Кама (0,42 процент), Югары Ослан (0,33 процент) районнарында, шулай ук Казанда (0,27 процент) эшсезлек дәрәҗәсе республика буенча уртача күрсәткечтән югарырак. Кайбыч (0,05 процент), Тәтеш (0,05 процент), Лаеш (0,06 процент), Яшел Үзән (0,06 процент), Алексеевск (0,07 процент) һәм Лениногорск (0,08 процент) районнарында исә ул республика буенча уртача дәрәҗәдән түбәнрәк», - дип искәрттеләр ведомствода.

Тулырак: https://tatar-inform.tatar/news/tatarstan-xezmat-ministrlygy-essezlek-daraase-in-tuban-bulgan-raionnarny-atady-5882574