Тәтешлеләрнең хезмәтләре билгеләп үтелгән

Махсус хәрби операциядә катнашучы Шушляков Дмитрий Алексеевич  “Сугышчан батырлыкла­ры өчен” Россия Федерациясе Оборона министрлыгы ­медале белән бүләкләнде.

Олы Тархан авылының “Колобок” балалар бакчасы мөдире Якатова Гөлсинә Ринат кызы ТР Мәгариф һәм фән министр­лыгының “Почетлы остаз” күкрәк билгесе белән бүләкләнде.

Борынгы Болгар шәһәре “Шонгат”ның Татарстан региональ иҗтимагый яңарыш фонды директоры Вәлиев Мөнир Бәд­ретдин улы “Татарстан Республикасы муниципаль берәмлекләр советы” Ассоциациясенең Мактау грамотасы белән бүләкләнде.

Балалар спорт мәктәбенең тренер-укытучысы Таҗиев Руслан Рәшит улы ТР Спорт министр­лыгының Мактау грамотасы белән бүләкләнде.

Тәтеш муниципаль районының Мактау грамотасы белән бүләкләнделәр:
– Кутяшова Ольга Евгеньевна, Тәтеш типогра­фиясенең баш бухгалтеры;
– Шәйхетдинова Ләйсән Илдус кызы, Тәтеш типографиясенең компьютер верст­касы һәм дизайны операторы.

фото: архив/Авангард