Тәтеш кадет-интернат мәктәбендә Хәтер дәресе узды

(Тәтеш, 17 февраль, “Тәтеш таңнары”).

15 февраль көнне танылган татар шагыйре, Советлар Союзы Герое, Ленин премиясе лауреаты Муса Җәлилнең туган көнендә Тәтеш кадет-интернат мәктәбендә Хәтер дәресе үткәрелде. Чарада иң яшь кадетлар 5 һәм 6 сыйныф укучылары катнашты. Туган тел һәм әдәбият укытучысы Н. Р.Сиякина тарафыннан шагыйрьнең тормышы һәм иҗаты турында китап күргәзмәсе һәм газета-журналлардан материаллар туплау оештырылды.

Дәрестә «Муса Җәлил: тормыш һәм язмыш» дигән фильм күрсәтелде. Балалар шагыйрьнең биографиясе һәм иҗаты турында бик күп яңа мәгълүмат белделәр.

Дәрес ахырында кадетлар шагыйрьнең шигырьләрен татар, рус һәм чуаш телләрендә сөйләделәр.