Тәтеш районы башлыгы Рәмис Сафиуллов районның пассажир транспорты предприятиеләре хезмәткәрләренә һәм ветераннарына, машина йөртергә яратучыларга мөрәҗәгать итә

(Тәтеш, 27 октябрь, "Тәтеш таңнары"). Тәтеш районы башлыгы Рәмис Сафиуллов районның пассажир транспорты предприятиеләре хезмәткәрләренә һәм ветераннарына,  машина йөртергә яратучыларга мөрәҗәгать итә:

– Төрле транспортны иярләүче шоферларга, ремонт ясау­чы эшчеләргә, диспетчерларга, инженерларга, автопредприятие җитәкчеләренә – һөнәри бурычларын намуслы башкаручыларга, районда транспорт элемтәсен оештыруда үзеннән өлеш керткән һәркемгә рәхмәт белдерәм. Сезнең хезмәт пассажирларның гомере һәм сәламәтлеге, ышанып тапшырылган йөкләрнең торышы өчен гаять зур җаваплылык белән бәйле. Сезгә сәламәтлек, җитешлек, имин юллар, ышанычлы техника телим!