Тәтеш районы башлыгы Рәмис Сафиуллов сугышчы-десантчыларга, ветераннарга мөрәҗәгать итә

(Тәтеш, 2 август, "Тәтеш таңнары"). 2 август – Һава десанты гаскәрләре көне

Тәтеш районы башлыгы Рәмис Сафиуллов сугышчы-десантчыларга, ветераннарга мөрәҗәгать итә: “Хәрби десант гас­кәрләрендә хезмәт итүчеләр гомер-гомергә фидакарьлек, каһарманлык, Ватанга чиксез тугрылык үрнәге булды һәм шулай булып калачак та. 
Һава десанты гаскәрләренең тарихы Бөек Ватан сугышы фронтларында, Әфганстан тауларында, кайнар нокталарда меңләгән тиңдәшсез батырлыкларны үз эченә сыйдыра. Элгәреләрнең данлы традицияләрен бүгенге көндә яшь солдатлар һәм офицерлар лаеклы дәвам итә, алар алдында илнең иминлеген тәэмин итү буенча мөһим бурычлар тора. 
Тәтеш районында яшәүчеләр үзләренең сугышчы-десантчылары белән аларның кыюлыклары, антларына туг­рылыклары өчен хаклы рәвештә горурлана. Сезгә аяз күк йөзе, бәхет һәм җитешлек телим!”