Уку һәм хезмәт янәшә бара

(Тәтеш, 29 ноябрь, Тәтеш таңнары).  Безнең коллективның төп нигезе – яшьләр. Аларның 90 проценттан күбрәге турыдан-туры станок­лар артында эшли. Комсомолларның күпчелеге ел бурычын һәм бишьеллыкны вакытыннан алда үтәү ярышларына кушылып, коммунис­тик хезмәт ударнигы исеме өчен көрәшә. Болар Николай Шемелов, Александр Михайлин, Владимир Малкин, Анатолий Вакатов, Андрей Шемелов, Николай Зиновьев. Алар өчен 120 – 130 процент – гадәти көндәлек норма.

Безнең мәктәпне эшче яшьләр белән яхшы дуслык бәйли. Яңа уку елында кичке мәктәпнең 11нче сыйныфын 17 кеше тәмамлый. Моннан тыш, безнең 7 комсомолчы читтән торып югары уку йортларында һәм техникумнарда укый.
Л. Щепалова, КВЗ филиалы ОТК контролеры