Ватанны бергәләп саклыйлар

(Тәтеш, 6 сентябрь, "Тәтеш таңнары", Лина Тихонова, фото Тухтаркиннарның гаилә архивыннан ). 
Бертуганнар Приморский краенда, мотоукчы бригадасында хезмәт итә. Хәрби часть командиры Валерий ­Никифоровичка һәм Валентина Николаевнага улларына яхшы тәрбия биргәннәре өчен рәхмәт белдереп, ­Валерий белән Юрийның – намуслы, тәртипле солдатлар булуларын, ышанып тапшырылган корал белән осталарча эш итүләрен хәбәр итә. Алар үрнәк хезмәт итүләре, фидакарь тырыш эшләре белән командирлары һәм иптәшләренең хөрмәтен, абруен яулаганнар.

Часть командованиесе авыл кешеләренә шундый уллар – Ватан патриотлары үстергән өчен олы хөрмәт белдерә, ирле-хатынлы Тухтаркиннарга нык сәламәтлек тели һәм аларның уллары алга таба да үзләренең гражданлык бурычларын намуслы үтәячәгенә ышаныч белдерә.

“Балалар яхшы хезмәт итүләрен, күп дуслар табуларын әйтәләр, – дип уртаклашты ­Валерий Никифорович. – Киләсе елга олыларга алмашка кечебез – Дмитрий армиягә барачак, аңа да шулай ук авыр булмас дип уйлыйбыз, чөнки ул безнең кадет мәктәбендә укыды”.