Володар Тимофеев: Туган ягыбыз, алгарышлы үсештә бул!

(Тәтеш, 1 сентябрь, "Тәтеш таңнары"). Володар Тимофеев, эшкуар, районның чуаш милли-мәдәни үзәге җитәкчесе: 

“8 сентябрьдә сайлауларга һичшиксез барачакмын. Һәркем үзенең шәхси фикерен әйтергә һәм киләчәк өчен тавыш бирергә тиеш, дип саныйм. Безнең республикада күп эшләр башкарыла, мөстәкыйль эшеңне үстерү өчен төрле дәүләт ярдәме программалары эшли. Актив кешеләр бизнес белән шөгыльләнә һәм хезмәт урыннары булдыра. 

Уңайлы яшәр өчен зур игътибар бүлеп бирелә, соңгы еллар эчендә безнең район төптән үзгәрә: юллар, тротуарлар төзелә, ял зоналары яңартып төзекләндерелә. Районда, республикадагы кебек, төрле милләт кешеләре татулыкта һәм тынычлыкта яши, без бердәмләшеп икътисадта, җәмгыятьнең социаль-мәдәни үсешендә яңа югарылыкларга ирешәбез”.