Хәрби хезмәткәрләргә, гаиләләренә социаль ярдәм

Күпчелек чаралар тиеш­ле дәүләт органнарыннан килә торган белешмәләр нигезендә проактив рәвеш­тә, гаризасыз тәртиптә рәсмиләштерелә.

– Социаль фонд хәрби­ләр­нең үзләренә генә түгел, аларның гаилә әгъзала­рына да ярдәм күрсәтә. Аерым алганда, балаларга бердәм пособие билгеләү өчен гаиләнең мохтаҗлыгын бәяләгәндә мобилизация­ләнгән ата-ананың керем­нәре исәпкә алынмый. Әгәр мобилиза­цияләнгән кеше­нең гаиләсендә 3 яшь­кә кадәрге бала булса, аның хатыны (ире) чакыры­лыш буенча хезмәт узучы хәр­би хезмәткәрнең баласы­на айлык пособиене бер­дәм пособиегә өстәмә рәвештә алырга хокуклы. Моби­лизацияләнгән хәрби хез­мәт­кәрнең йөкле хатыны шулай ук бер мәртәбә бирелә торган махсус түләү алырга мөмкин.

Махсус хәрби операциядә катнашучылар өчен пенсия белән тәэмин итүнең махсус шартлары гамәлдә. Моби­лизация буенча чакырылган гражданнарга, шулай ук ирекле хезмәткәрләргә мах­­сус хәрби операциядә катнашу вакытлары икеләтә күләмдә иминият стажына кертелә. Бу хезмәтнең бер елы ике ел стажга тигезләнә һәм бер ел өчен гадәти 1,8 урынына 3,6 пенсия коэффициенты (ИПК) исәп­ләргә мөмкинлек бирә дигәнне аңлата.

Махсус хәрби операциядә катнашучыларга, хәрби хәрә­кәт­ләр ветераны стату­сын алучыларга, ай саен 4 838,63 сум күләмендә акчалата түләү билгеләнә. Бу түләү дарулар белән тәэмин итүдән, шифаханә-курорт дәвалануыннан һәм дәвалану урынына түләү­сез барып кайтуны үз эченә алган социаль хезмәтләр җыелмасыннан тора. Гражданнар әлеге хезмәтләрне натураль рә­вештә яисә аларның ак­чалата экви­ва­лентын сайлый алалар.

Мобилизацияләнгән хәрби хезмәткәргә яисә контракт буенча хәрби хезмәткәргә инвалидлык билгеләнгән очракта, пенсия белән тәэмин итү көч ведомстволары тарафыннан гамәлгә ашы­рыла. Инвалидлык алган ирекле формированиеләрдә катнашучыларны пенсиягә чыгару РСФ органнары тара­фыннан гамәлгә ашырыла. Берничә нигез буенча бер тапкыр бирелә торган акчалата түләү алу хокукы барлыкка килгән очракта, түләү алучы өчен иң отышлы варианты билгеләнә. Шуны­сын истә тоту мөһим: бер тапкыр бирелә торган акчалата түләү һәрвакытта да бары тик Россия со­циаль фонды органнары тарафыннан гына билгеләнә. РСФ органнарында пенсия алучы хәрби хәрәкәтләр инвалидларына шулай ук автомат рәвештә айлык өстәмә матди тәэминат 1 000 сум күләмендә билгеләнә. Шунысын да билгеләп үтәргә кирәк, МХО ветеранының сугыш яралары нәтиҗәсендә инвалидлыгы булган, РСФ органында исәптә торган очракта, киләчәктә берьюлы ике пенсия: инвалидлык буенча дәүләт пенсиясе һәм картлык буенча иминият пенсиясе ала ала. Социаль ярдәм чаралары, түләүләр һәм хезмәт күрсәтүләр ту­рында тулы һәм дөрес мәгълүматны РСФ сайтында, социаль челтәрләрдәге рәсми аккаунтларда табарга мөмкин, – дип хәбәр итте РСФның ТР буенча Тәтеш районында клиентларга хезмәт күрсәтү бүлеге (бүлек хокукларында) җитәкчесе Ирина Большакова.

фото: Татар-информ