Хезмәт үзенең нәтиҗәлелеген раслаган

(Тәтеш, 29 октябрь, “Тәтеш таңнары”).

1952 елда эчке эшләр ми­нистрлыгы органнары каршында махсус бүлекчә – тышкы каравыл сагы булдырыла, аның вазифасына хуҗалык объектларын ­саклау керә.
2016 елда РФ Президенты Указы белән ведомстводан тыш сак бүлеге Россия илкүләм гвардиясе гаскәрләренең федераль хезмәте структурасына кертелде. Бу ТР буенча Росгвардия идарәсендә күпсанлы хезмәтләрнең берсе, аның составында 29 бүлекчә бар, шул исәптән Тәтеш районында да.

– Ведомстводан тыш сак хезмәте үз эшчәнлегендә күп максатлы булып тора. Безнең хезмәткәрләр мө­һим әһәмияттәге объ­ект­­­ларда һәм граж­дан­нар күпләп җыела торган урыннарда террорчылыкка каршы сак­лауны тәэмин итәләр. Пред­приятиеләрнең һәм граж­даннарның шәхси милеген һәм җәмәгать тәр­тибен саклауны гамәлгә ашыралар, җинаятьчелек белән көрәшәләр. Моннан тыш, хезмәт үзенең төп функциясен башкара – бу Росгвардиянең үзәкләштерелгән күзәтү пультларына тоташтырылган объектларда сак һәм хәвефле сигнализацияләр  буенча килгән хәбәрләргә оператив җавап бирү, – дип сөйли Тәтеш районы буенча ведомстводан тыш каравыл бүлеге начальнигы Ринат Биктаһиров. – 70 ел эш­ләү дәверендә ведомстводан тыш каравыл идарәсе объектларны саклаганда да, җинаятьчелеккә каршы көрәштә дә үз бүлек­чәләре эшчәнлегенең нә­тиҗәлелеген раслады. Хез­мәткәрләрнең техник һәм профессиональ дәрәҗәсе арта. Ведомстводан тыш сак хезмәте структурасында тикшерелгән кадрлар эшли, заманча җиһазлар кулланыла. Хәзерге вакытта безнең шәһәрдә 300гә якын төрле милек объекты саклана. Көн саен тәүлек буена бер мобиль төркем эшли. Заманча техно­логия­ләрне куллану, маршрутларны дөрес төзү хисабына ведомстводан тыш сак хезмәте патруль экипажлары берничә минут эчендә хәвеф-хәтәр сигналлары буенча объектларга килеп җитә. Агымдагы елда гына да саклана торган объектлардан килгән сигнализацияләр буенча 80нән артык бару булды. Полициянең кизү часте хәбәрләре буенча 40 тапкырдан артык чыктык.

Узган еллар эчендә төр­ле дәрәҗә авырлыктагы объектларда кур­­кынычсыз­лык ­буен­ча комплекслы ­чаралар оеш­ты­ру буенча шактый эш тәҗрибәсе тупланган. Шулай итеп, алдынгы техно­логияләрне, автомат­лаш­тырылган хәбәр тапшыру системаларын, күч­мә объектларны саклау өчен мониторинг комплексларын гамәлгә кертү буенча актив эш алып барыла. Чыбыксыз куркынычсызлык сигнализация­се киң ­кулланыла.

Барлык еллар эчендә әлеге хез­мәт халык һәм ху­­җа­­лык субъектлары җи­тәк­челә­ре арасында нык абруй казанган. Уңышның се­­ре бик яхшы профессио­наль әзерлек­тә һәм намуслы хез­мәт итүдә.

фото предоставлено Отделом вневедомственнной охраны по Тетюшскому району