Законга үзгәрешләр кертелде

“Производствода бәхет­сезлек очракларыннан һәм һөнәри чирләрдән мәҗбүри социаль иминиятләштерү турында” Федераль законга үзгәрешләр кертү турында”гы Федераль закон (№ 529-ФЗ, 2024 елның 28 декабреннән) үз көченә керү белән бәйле, РСФ территориаль органнарында икътисади эшчәнлекнең төп төрен иминиятләштерүчеләр тарафыннан ел саен раслау гамәлдән чыгарылды, моңа аерым бүлекчәләр урнашкан урын буенча юридик затлар керми (әгәр алдагы ел өчен ОВЭД үзгәргән булса).

– Иминиятләштерүче­ләр­гә һөнәри хәвеф-хәтәр классын һәм иминият тарифын билгеләү өчен 2026 елдан башлап Россия Социаль фондының территориаль органнары икътисади эшчәнлекнең төп төрләре турындагы мәгълүматларны, аерым бүлекчәләрдән тыш, юридик затларның бердәм дәүләт реестрыннан (ЕГРЮЛ) һәм шәхси эшмәкәрләрнең бердәм дәүләт реестрыннан (ЕГРИП) 15 апрель торышы буенча ­файдаланачак. Шуңа бәйле рәвештә имини­ят­­ләштерүчеләргә икътисади эш­чән­лекнең фактта гамәлгә ашы­ры­ла торган төп төре һәм икътисади эшчәнлекнең өстәмә төрләре (булган очракта) турындагы мәгъ­лүматларны, кимендә дүрт санлы тамга күрсәтеп, ак­туальләштерергә кирәк.

Россия Хезмәт министрлыгы тарафыннан “Производствода бәхетсезлек очракларыннан һәм һөнәри чирләрдән мәҗбүри социаль иминиятләштерү буенча иминиятләштерүченең икътисади эшчәнлегенең төп төрен – аерым бүлекчә урнашкан урындагы юридик затны раслау, шулай ук иминиятләштерүче­нең структур бүлекчәләрен мөстәкыйль классификация берәмлекләренә бү­леп бирү тәртибен раслау турында”гы боерык (№ 463н, 24.07.2025 елдан) расланды, – дип хәбәр итте РСФның ТР буенча Тәтеш районында клиентларга хезмәт күрсәтү бүлеге (бүлек хокук­ларында) җитәкчесе ­Ирина ­Большакова.

фото: Татар-информ