Читекләрне бизәкләп ясаганнар

(Тәтеш, 14 июль, “Тәтеш таңнары”). Әлеге сүз “чигелгән итек” гыйбарәсеннән барлыкка килгәндер һәм аның кыскача әйтелеше булып торадыр, мөгаен.  

Тәтеш ягы тарихы музеенда хатын-кызлар читекләре саклана, аны – Тәтештәге ату стенды мәктәбенә нигез салган Солтан Яруллинның әнисенеке булган читекләрне, Клавдия Паличева бүләк иткән. Читекләр 1960 елда ТАССРның Арча районы милли аяк киемнәре фаб­рикасында ясалган. Читекләр кайчандыр татар халык киемнәренең аерылгысыз өлеше булган, хәзер аларны кулдан эшләнгән дизайн аяк киемнәре дияргә мөмкин.

Борынгы заманнарда бары тик шәһәрдәгеләр, бай татарлар һәм Идел хәрбиләре генә читек киеп йөргәннәр. Хатын-кызларга төрледән-төрле күн кисәкләреннән матур бизәкләр төшерелгән чи­текләр тегү карар ителгән. Чи­тек­ләрнең балтырына күн кисәк­ләреннән җыелган бизәкләр ясалган. Аны тоташтыру өчен үзенә бер төрле татар җөйләре кулланылган. Идел Болгарстаны вакытында татар аяк киемнәренең сыйфатына һәм уңайлылыгына Русия князьләренең дә күзе төшкән. Казан ханлыгы яулап алынганнан соң да, аяк киемен җитештерү туктатылмаган. Читекләр Русиядә генә түгел, чит илләрдә дә бәяләнгән.