Машина йөртүчеләр дә, җәяүлеләр дә кагыйдәне бозалар

(Тәтеш, 1 июль, "Тәтеш таннары").

Гыйнвар-май айларында ЮХИДИ хезмәткәрләре тарафыннан юл хәрәкәте кагыйдәләрен бозуның 877 очрагы ачыкланган (узган ел – 917), аларның 29ы – исерек хәлдә транспорт чаралары белән идарә итү, 15е – транспорт йөртү хокукы булмаган яки мәхрүм ителгән килеш транспорт белән идарә итү, 300е – куркынычсызлык каешларын куллану кагыйдәләрен бозу, 5се – каршы хәрәкәт өчен билгеләнгән полосага чыгу, 31е – җәяүлеләргә өстенлек бирмәү, 68е–җәяүлеләрнең юл хәрәкәте кагыйдәләрен бозу.
Салынган ­штрафларны, санкцияләрне үтә­мәү­челәргә (РФ административ хокук бозулар турындагы кодексның 20.25.1 маддәсе буенча) карата эш оештырылган. Ел башыннан әлеге маддә буенча – 48, узган ел 35 кеше админис­тратив җаваплылыкка ­тартылган.
– Дәүләт автоинспекциясе эшчәнлегенең өстенлекле юнәлеш­ләренең берсе булып – балаларның юл-транспорт имгәнүен кисәтү тора. Шуңа бәйле рәвештә, Тәтеш районы ­ЮХИДИ бүлеге тарафыннан юл хәрәкәте иминлеген пропагандалау эше көн саен алып барыла, проб­лемалы мәсьәләләрне яктырту максатыннан массакүләм мәгълүмат чаралары вәкилләре, район мәгариф бүлеге һәм Тәтеш районы администрация­се белән балалар катнашында юл-транспорт имгәнүләрен профилактикалау һәм юл-транспорт һәлакәтләренә юл куймау буенча хез­мәттәшлек оештырылды, – ди Тәтеш районы буенча Россия Эчке эшләр министрлыгының ЮХИДИ бүлеге ­начальнигы Рәмис Фаризов.