Татарстанда 25 октябрьдән “Җәяүле” профилактик чарасы бара

(Тәтеш, 27 октябрь, “Тәтеш таңнары”).  Татарстанда 25 октябрьдән 3 ноябрьгә кадәр “Җәяүле” профилактик чарасы бара.

 ТР буенча Эчке эш­ләр министрлыгының ЮХИДИ мәгълүматлары буенча, 2021 елның 9 аенда җәяүлеләр катнашында юл-транспорт һәлакәтендә 55 кеше үлгән, моның белән беррәттән, беренче ярты еллыкта 27 җәяүленең гомере өзелгән булса, соңгы өч айда 28 кеше үлгән. Җәяүлеләрне бәрдерүнең иң авыр нәтиҗәләре тәүлекнең караңгы вакытына туры килә. Бәхетсезлек очрагының күпчелеге җәяүлеләрнең киемендә яктырткыч әйберләр булмау аркасында килеп чыккан.