Тәтештә юл хәрәкәте иминлеген тәэмин итү буенча район комиссиясенең чираттагы утырышы узды
Тәтеш районының ЮХИДИ начальнигы Рәмис Фаризов агымдагы елның 9 аенда юл хәрәкәте иминлеген тәэмин итү бүлегенең эшчәнлек нәтиҗәләре һәм исерек килеш транспорт чараларын йөртүчеләрне ачыклау эше турында сөйләде.
(Тәтеш, 23 октябрь, “Тәтеш таңнары”).
– Агымдагы елның 9 ае нәтиҗәләре буенча район территориясендә 5 юл-транспорт һәлакәте теркәлде, аларда 7 кеше җәрәхәт алды. Юл хәрәкәте кагыйдәләрен бозуның 1514 очрагы ачыкланды: шуларның 43е – исерек килеш транспорт чаралары белән идарә итү, 32 очрак – транспорт белән идарә итү таныклыгы булмаган яисә аны алдырган килеш руль артына утыру, 434 очрак – куркынычсызлык каешларын кулланмау һәм башкалар, – дип билгеләп үтте Рәмис Фаризов.
Районның суд приставлары хезмәте бүлеге начальнигы Андрей Наумов җыелучыларны юл хәрәкәте кагыйдәләрен бозган өчен штрафлар буенча вакытында түләнмәгән бурычларны җыю эшчәнлеге белән таныштырды.
Комиссия утырышында шулай ук “Юл хәрәкәте иминлеге” ДБУның Казан шәһәре территориаль идарәсенең үлчәү һәм габарит контролен тәэмин итү бүлеге начальнигы Олег Космаков һәм “Юл хәрәкәте иминлеге” ДБУ идарәсенең профилактика бүлегенең Буа бүлегендәге әйдәп баручы белгече Лилия Вахитова чыгыш ясады.
Утырыш нәтиҗәләре буенча комиссия рәисе – район башкарма комитеты җитәкчесе Альберт Гасимов хезмәт вәкилләренә тиешле йөкләмәләр бирде.
Следите за самым важным и интересным в Telegram-каналеТатмедиа
Нет комментариев