Юл йөрү кагыйдәләрен балачактан өйрәтәләр

(Тәтеш, 4 март, “Тәтеш таңнары”).

“Күренеп тор – яктыртып!” дип исемләнгән ак­ция­дә шәһәрдәге балалар бакчалары сабыйлары һәм аларның ата-аналары, мәктәп укучылары, студентлар, юл хәрәкәтенең яшь инспекторлары отрядлары катнашты. 

Чара кысаларында ки­ем­дә яктылык кайтаргыч әйберләр тагып йөрүне киң җәелдерү буенча профилактик әңгәмәләр уздырылды. Ахырдан балалар һәм олылар флешмобта ­катнаштылар.  

– Мондый чаралардан соң балалар мине яктылык кайтаргыч әйберләр­дән файдаланырга кирәклегенә өйрәтәләр. Юл аркылы чыкканда үзләре үк: “Мине кулымнан тот”, –дип әйтәләр һәм тәүлекнең ка­раңгы вакытында күр­сен­нәр өчен, яктылык кайтаргыч әйберләр сатып алуны үтенәләр, – дип уртаклашты ­Наталья ­Дубровина.  

“Күренеп тор – яктыртып!” акциясе Казан шәһә­рендә “Юл хәрәкәте иминлеге” ДБУның профилактика бүлеге территориаль идарәсенең Буа бүлегенең әйдәп баручы белгече Лилия Вахитова һәм Тәтеш автомәктәбе тарафыннан оештырылды.