ЮХИДИ тәрәзәсе
Кемерово өлкәсендә балалар волейбол командасы утырган автобуска ут капкан
Гадәттән тыш хәл М53 «Байкал» трассасының 213нче чакрымында булган.
(Казан, 29 март, «Татар-информ»). Кемерово өлкәсендә балалар волейбол командасы утырган автобуска ут капкан, дип хәбәр итә RT.
Башлангыч мәгълүматларга караганда, М53 «Байкал» трассасының 213нче чакрымында Ханты-Мансийскидан кайтып килүче автобусның моторына ут капкан. Салонда барлыгы 11 кеше (автобус йөртүче, тугыз бала һәм аларны озата баручы) булган.
Янгынны сүндерү өчен ярдәм чакыртырга туры килмәгән - автобустагылар утны үз көчләре белән сүндергән. Беркем дә зыян күрмәгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев